इतके दिवस मिपा वर पुस्तक्विश्वची माहिती दिसत होतीच. पण कधी फिरकलो नाही तिकडे. कालच तिथला सदस्य झालो आहे.
पुस्तकविश्व अर्थात
http://pustakvishwa.com हे जालावरील आणखी एक मराठी संस्थळ खास पुस्तक्वेड्यांसाठीचं. इथे प्रत्येक सदस्य आपण वाचलेल्या पुस्तकांची आणि त्यांच्या लेखकांची माहिती देतो. पुस्तकांची 'संग्रही असलेले', 'वाचलेले' आणि 'वाचायचे आहे असे' अशा प्रकारे वर्गवारी करतो ही यादी त्याच्या खात्यावर दिसते. इथे प्रत्येक सदस्याच्या खारीच्या वाट्याने पुस्तक, लेखक, प्रकाशक असा एक हळूहळू वाढतच जाणारा डेटाबेस बनू लागला आहे. म्हणजे समजा तुम्ही एखादे पुस्तक वाचले आहे आणि त्याची माहिती तुमच्या खात्यामध्ये अॅड करायची आहे, तर तुम्ही पुस्तक्विश्वच्या डेटाबेस मध्ये त्या पुस्तकाची माहीती उपलब्ध आहे की नाही ते तपासायचे, असेल तर उत्तमच नसेल तर तुम्ही स्वतः त्या पुस्तकाची माहिती पुस्तक्विश्वच्या डेटाबेस मध्ये अॅड करू शकता. म्हणजे काहिसं विकिपेडीया सारखंच.
अर्थात सद्ध्या एक अडचण जाणवली ती म्हणजे पुस्तकविश्व तितकंसं वेगवान नाही. त्यामुळे १० -१५ सद्स्य असताना सुद्धा स्पीड तितकासा मिळत नाही. :( पण आशा करूया की भविष्यात तो नक्कीच वाढेल. असो.
त्याचबरोबर सभासद आपण वाचलेल्या पुस्तकाचे परीक्षण ही लिहू शकतात. याशिवाय पुस्तकांसंदर्भात वेगवेगळ्या चर्चा तर आहेतच. एकूण काय, जगाच्या कानाकोपर्यात विखुरलेल्या पुस्तक्वेड्यांसाठी हा एक छानसा कट्टाच उपलब्ध झाला आहे असं म्हणायला हरकत नाही!
